點解會無端端成立呢個網站呢?

我自己平時都好鍾意做啲手作仔,得閒會車下嘢織下嘢,整下飾物呀皮革呀咁,手工皂我都整過,但係唔係好成功,最近我又學緊陶瓷,整左啲碗碟,而家整緊我隻狗仔既 “彫塑”。所以我好欣賞手作,知道手造既每一件物件都充滿手作人既心血,特別係手作人既雙手,擁有長年累積下來,唔係一朝一夕可得既技術。但係喺香港呢個乜都要快既地方,我覺得手作人未能得到佢應有既尊重同欣賞。未必有好多人識得欣賞手作既價值,甚至有好多香港人唔知咩係手作。

即使有人想搵本地手作既產品,但係香港冇一個平台能夠集中關於本地手作人既資訊,好難可以搵到合適既手作人,就算搵到,又唔知佢手工好唔好。咁樣亦令到手作喺香港得唔到發揚光大。

我試過唔止一次上網搵手作資料既時候,睇到一啲介紹香港手作人既文章,可能講緊係兩三年前既文章,但係當我想禁入去睇下個手作人既網站時,個網站已經不存在,我估個手作人可能喺呢兩三年間已經冇再繼續做。。。香港其實不乏有質素既手作人,如果因為冇乜人識,宣傳不足而堅持唔到落去,我覺得真係好可惜!

所以我好希望可以做啲嘢支持呢班手作人,鼓勵佢地堅持對手作既熱誠!因此,“香港搜作”就咁出現左啦~

— 香港搜作創辦人KEY